தஞ்சாவூர் வெள்ளை விநாயகர் வெட்டுக்குதிரை வாகன விழா

இன்று, தஞ்சாவூர், கீழ வாசல், அருள்மிகு வெள்ளை விநாயகருக்கு தஞ்சாவூர், நாடார் உறவின்முறை தர்ம பரிபாலன சங்கத்தால் நடத்தப்படுகின்ற 99ஆவது ஆண்டு வெட்டுக்கு திரை வாகன புஷ்ப விமான உற்சவத் திருவிழாவில் உறவினர்களுடன் கலந்துகொண்டு இறையருளைப் பெற்றேன்.





இவ்விழாவை நாடார் இனத்தவர்கள் வருடாவருடம் தொடர்ந்து நடத்தி வருகிறார்கள். இந்த ஆண்டு இவ்விழாவின்போது பகல் 12 மணிக்கு வெள்ளை விநாயகருக்கு பூஜை நடைபெற்றது. இரவு 7 மணிக்கு குதிரை வாகனத்தில் சுவாமியை எழுந்தருளச் செய்து சிறப்பு மலர், நகை அலங்காரமும், தீபாராதனையும், நாதஸ்வரம் கச்சேரியுடன் நடைபெற்றது.


பின்பு விழாவிற்கு வந்த அனைவருக்கும் சர்க்கரைப்பொங்கல், புளியோதரை, சுண்டல் ஆகிய பிரசாதங்கள் வழங்கப்பட்டன.

இக்கோயிலுக்கு நான் இளம் வயதில் அம்மா, அண்ணன், அண்ணி, அக்கா, தங்கைளுடன் சென்றுள்ளேன். திருமணத்திற்குப் பிறகு குடும்பத்துடன் சென்றுள்ளேன். திருமண நாள், குழந்தைகள் பிறந்த நாள், போன்ற நாள்களிலும், விசேஷ நாள்களிலும் செல்கிறேன். ஏதாவது பொருட்கள் தொலைந்தால் விநாயகரை வேண்டினால் கிடைத்துவிடும், உடம்பு சரியில்லையென்றாலும் இவ்விநாயகரை நினைத்து வேண்டிக் கொண்டால் உடல் நலம் சரியாகிவிடும், இவற்றை நான் அனுபவத்தில் கண்டுள்ளேன். வெளியூர்களுக்குச் செல்லும் பொழுதும் இக்கோயிலின் முன்பாகக் கற்பூரம் ஏற்றி வழிபட்டுச் செல்வார்கள். சிதறு காய் உடைப்பார்கள்.

இந்த ஆண்டு இறைவனை மனதுக்கு நிறைவாக சுவாமி தரிசனம் கண்டு மகிழ்ந்தேன். விநாயகா போற்றி, போற்றி!

Comments

Post a Comment

அதிக வாசிப்பு

திருநாலூர் மயானம்

Image
நாலூர் மயானம் பற்றி நான் எழுதியுள்ள கட்டுரை 12 மே 2017 நாளிட்ட தினமணி இதழில் மோட்சமளிக்கும் மயானம் திருக்கோயில் என்ற தலைப்பில் வெளியாகியுள்ளது. அக்கட்டுரையின் விரிவாக்க வடிவத்தைப் பகிர்வதில் மகிழ்கிறேன்,  அவ்விதழுக்கு நன்றியுடன்.  திருநாலூர் மயானம் கோச்செங்கட்சோ ழனால் கட்டப்பட்ட மாடக் கோயிலாகும். காவிரியின் தென்கரையில்  96 ஆவது தலமாகப் போற்றப்படுகின்ற   இக்கோயில் தஞ்சாவூர் மாவட்டம், கும்பகோணம் வட்டத்தில் கும்பகோணம் -குடவாசல்  சாலையில்  திருச்சேறையை அடுத்து அமைந்துள்ளது.  இக்கோயில்  இருக்கும் ஊர் முன்பு சதுர்வே தி மங்கலம் என்றும், நால்வேதியூர்   என்றும் அழைக்கப்பட்டு பின்னர்  மருவி திருநாலூர் என்ற பெயரைப்  பெற்றது. நாலூர் மயானத்தைப் போல தமிழ்நாட்டில் மயானம் என்ற  பெயரில் உள்ள கோயில்கள்  கச்சி ம யானம், கடவூர் மயானம், காழி மயானம் என்பனவாகும். நாலூர் மயானம் ஞானசம்பந்தரால் பாடப்பெற்ற ப...
Read more

இராஜராஜேச்சரம் : குடவாயில் பாலசுப்ரமணியன்

Image
பெரிய கோயில் என்றாலே எனக்கு நினைவிற்கு வருவது திரு குடவாயில் பாலசுப்ரமணியன் ஐயா அவர்கள் எழுதிய இராஜராஜேச்சரம் என்ற நூல் ஆகும்.  இந்நூலைப் படித்தால் கோயிலைப் பற்றி முழுமையாக அறியமுடியும். தஞ்சாவூர் பெரிய கோயிலின் குடமுழுக்கு 5 பிப்ரவரி 2020 நினைவாக இந்நூலில் படித்ததில் சிலவற்றைப் பகிர்கிறேன். சோழ நாடு என்றும் சோழ மண்டலம் என்றும் அழைக்கப்பெற்ற ஒரு பரந்த நாட்டின் தலைநகரமாக விளங்கிய ஊரே தஞ்சையாகும். தண்+செய் என்பதே தஞ்சையாயிற்று….ஏறத்தாழ கி.பி.850இல் விஜயாலய சோழன் முத்தரைய மன்னன் ஒருவனை வென்று தஞ்சையைக் கைப்பற்றி சோழ நாட்டின் தலைநகரமாக ஆக்கினான். விஜயாலய சோழனில் தொடங்கி ஆதித்தன், பராந்தகன், கண்டராதித்தன், அரிஞ்சயன், சுந்தரசோழன், ஆதித்த கரிகாலன், மதுராந்தக உத்தமசோழன், இராஜராஜன், இராஜேந்திரன் (இவனது ஆட்சியின்முதல் 10 ஆண்டுகள்) ஆகிய பெருமன்னர்கள் காலம் வரை 176 ஆண்டுகள் தஞ்சை சோழப் பேரரசின் தலைநகரமாக விளங்கிற்று. (ப.15) திருக்கோயில் அமைப்பு : திருமதிலோடு இணைந்த திருச்சுற்று மாளிகை நாற்புறமும் சூழ்ந்து நிற்க நடுவே கம்பீரமாய் உயர்ந்து நிற்கும் இராஜராஜேஸ்வரம் என்னும் பெருங...
Read more